A GUARDA

Nace Reviravolta: un mercado sostible e de segunda man no Monte Trega 

Chans Novo, A Guarda | 23 de agosto de 2025 

Infogauda / A Guarda

 O vindeiro 23 de agosto celebrarase no Chans Novo, Monte Trega (A Guarda), a primeira edición de Reviravolta, un evento que combina mercado de segunda man, sostibilidade, cultura e natureza. 

 Reviravolta propón unha xornada aberta, dende as 10:00 ata as 21:30, con postos de moda vintage, artesanía, libros, vinilos, ferramentas, plantas, xogos e outros tesouros de segunda man, promovendo o consumo consciente e a economía circular. 

 O evento incluirá ademais: 

• Andainas polos sendeiros do Monte e visitas guiadas aos Castros gratuítas. 

• Obradoiros creativos para todas as idades. 

• Música en directo durante todo o día. 

• Recital poético con voces da zona. 

• Gastronomía local, bebida e moito ambiente. 

 O obxectivo de Reviravolta é recuperar o valor do feito a man, do reusado, da creación local, ofrecendo un espazo para que veciñas e veciños poidan participar como mercaderes, mesmo sen experiencia previa.  

 “Queremos que a xente do pobo se anime a montar o seu posto. Se tes roupa, libros ou cousas feitas por ti, esta é a túa oportunidade. O importante é compartir e darlles unha segunda vida aos obxectos”, explican dende a organización. 

 A chamada a participación está aberta a particulares da contorna e profesionais ata o 12 de xullo cunha cota de inscripción de 20 €. As persoas interesadas poden incribirse directamente cubrindo o FORMULARIO DE INSCRIPCIÓN ou escribir para recibir mais información ao Instagram de @reviravolta_mercado ou enviar un WhatsApp ao número 650 851 071