VIGO

RESPOSTA FEMINISTA CONVOCA Á CIDADANÍA

• Este martes, 4 de marzo, ás 12:30 horas, no Museo MARCO, de Vigo

Resposta Feminista / Vigo

 Por medio do presente comunicado, o colectivo Resposta Feminista convoca a toda a cidadanía, baixo o lema “Non quero ser o teu mercado”, o día 4 de marzo, Día Internacional contra a Gordofobia, as 12:30 no museo MARCO, na rúa Príncipe, na cidade de Vigo, a berrar xuntas pola liberación dos nosos corpos. 

 Denunciamos as miles de receitas de Ozempic que se dan no noso sistema sanitario ás mulleres gordas, un medicamento unicamente dirixido a persoas con diabetes que ten como efecto secundario a perda de peso. 

 Un medicamento que promete resultados máxicos sobre os nosos corpos e que eliminará o suposto problema estético/corporal/social que representa a gordura. 

 Así que este 4M saímos á rúa para dicir basta. Basta de criminalizar os corpos gordos, de tratarnos como un problema a resolver. Porque non somos un problema, non somos o inimigo, o verdadeiro inimigo é a gordofobia e imos combatela xuntas o próximo 4 de marzo, ás 12.30h, no MARCO.