DEPORTES

 FÚTBOL

1ª Autonómica Grupo 6

O SPORTING GUARDÉS VAI RECIBIR AO TOMIÑO, F. C.

Este sábado 30 de novembro, ás 16:30 horas, no Campo de A Sangriña

Ricardo Rodríguez Vicente / A Guarda

 Logo do empate (0-0), do pasado domingo, fronte a U.D. Mos, o Sporting Guardés prepárase para exercer de anfitrión do Tomiño, F.C., no encontro que ambos equipos disputarán o vindeiro sábado día 30 de novembro, ás 16:30 horas, no Campo de A Sangriña. 

 O conxunto visitante, situado provisionalmente na 7ª praza da táboa clasificatoria, ten no seu haber 16 puntos, habendo gañado 5 encontros; empatado un partido, e coñeceu a derrota en 5 ocasións.

 O equipo local, situado no 4º posto, conta con 22 puntos, habendo logrado 6 vitorias; empatado en 4 encontros e perdido en 2.

 Neste momentos, as diferencias entre os dous equipos non son moi grandes. E as clasificacións de cada un tampouco son preocupantes.

 En calquer caso, o encontro correspondente a 13ª xornada, é de difícil prognóstico. O motivo fundamental, ao noso xeito de ver, é que trátase dun encontro de máxima rivalidade comarcal, e no que as respectivas afeccións van darse cita nas bancadas do estadio municipal da Sangriña para animar, como é lóxico, aos respectivos equipos. Dese xeito, é moi probable que o público vaia ter oportunidade de desfrutar cunha tarde de fútbol e de deportividade. Ou así debera ser. E logo, obviamente, que gañe o mellor.