A GUARDA

A OMIX de A Guarda organiza un obradoiro para realizar decoracións de Nadal

A cita será o sábado 30 de novembro, de 11:00 a 13:00 horas

Infogauda / A Guarda

 A Oficina Municipal de Información Xuvenil (OMIX) do Concello de A Guarda organiza un obradoiro de decoración de Nadal con papel. Dese xeito, as persoas participantes poderán crear a súa propia decoración de nadal e así dar a benvida a unha época do ano especial.

  O sábado 30 de novembro de 11:00 a 13:00 horas é a cita para crear obxectos únicos e especiais. As persoas que desexen participar deberán inscríbirse na OMIX de A Guarda de forma presencial; por teléfono no 986 610 000 (extensión 7); ou a través do correo electrónico informacion@aguarda.es.  

 As inscricións xa están abertas para aprender a elaborar diferente decoración para Nadal con moi poucos ingredientes: papeis bonitos, tesoiras, pegamento, lazos e un chisco de imaxinación.  

 Con todo isto cada participante descubrirá técnicas sinxelas para realizar obxectos decorativos: adornos para a árbore, guirnaldas, portavelas, caixas e sobres para empaquetar, etc. 

 Ese é un bo xeito para ir creando o espírito do Nadal.