A GUARDA

A ASOCIACIÓN NATURALISTA "BAIXO MIÑO" (ANABAM) PUBLICOU O BOLETÍN "CARRIZAL", Nº 20 - ÉPOCA II 

Portada do Carrizal nº 20 - Época II

Ricardo Rodríguez Vicente / A Guarda

 Como xa indicamos oportunamente, a Asociación Naturalista "Baixo Miño" (ANABAM), publicou os boletíns "Carrizal", correspondentes aos seis bimestres de 2023 e o primeiro bimestre de 2024. 

 Dado que xa publicamos sendas recensións dos números 17, 18 e 19 do "Carrizal" - Época II, hoxe imos referirnos ao contido do nº 20, correspondente a xullo/agosto de 2023, que na súa portada leva a fotografía - da autoría do fotógrafo naturalista Luis Dorado Senra, de Fornelos (O Rosal) -, dun exemplar de Calopteryx virgo - que en Galicia é coñecido como Gaiteiro azul ou Cabaliño do demo azul -, unha especie de odonato zigóptero da familia Calopterygidae. 

 Nas páxinas interiores, ademais de figurar a composición da xunta directiva de ANABAM; datos de contacto coa asociación; importes das cotas de socios/as, etc., vemos os seguintes traballos: 

• Estudo de aniñamento da andoriña das barreiras comunidade (Riparia riparia), no Baixo Miño, por  Laura Díaz Lago e Julia González Escriche.

• Seguimento de niños de andoriña dáurica (Cecropis daurica) nas pontes das autoestradas do Baixo Miño, por María Comesaña Ledo e Jonás Fernández Velasco.

• Bases campaña de protección dos niños de andoriña no Baixo Miño. 

•  Apuntes da nosa historia:

 A Guarda, vila libre de circos con animais. 

 Tamén figura un resumo das actividades previstas para xullo/agosto 2023. 

 Como se indica nesta interesante publicación, impresa en papel reciclado, e que os socios de ANABAM reciben de balde; "Carrizal" está parcialmente subvencionada polo Concello de A Guarda.

 En vindeiras datas iremos informando doutros números do boletín Carrizal.