A GUARDA

FESTAS DE SAN CAETANO

Os días 2, 3 e 4 de agosto de 2024, no barrio da Cruzada

Ricardo Rodríguez Vicente / A Guarda

 O barrio da Cruzada, un dos lugares máis solleiros do concello de A Guarda xa ten todo a punto para á celebración das tradicionais festas na honra de san Caetano, organizadas por un activa comisión, e coa colaboración do Plan Culturea, da Deputación de Pontevedra; Concello de A Guarda; comercio e industria local e veciñanza. 

 Dese xeito, o día 26 de xullo, ás 12:00 horas, unha tirada de foguetes anunciará o comezo da novena. Como vén sendo costume será na ermida adicada ao santo italiano - Gaetano de Thiene - (Vicenza, 1 de outubro de 1480 - Nápoles, 7 de agosto de 1547), fundador da Orde de Clérigos Regulares; e comezará ás 20:45 co rezo do rosario, e ás 21:00 horas, a novena. A continuación os membros da comisión e veciños, procederán á Subida do Arco.

 As festas propiamente ditas, comezarán o venres día 2 de agosto, coa popular Sardiñada de san Caetano.

 Esa mesma noite, a partires das 00:30 horas do sábado día 3 de agosto, gran verbena con América.

  Xa polo día alto, pasacalles co grupo de gaitas do Club da Terceira Idade e Pensionistas de A Guarda.

 E desde ás 23:30 horas, gran verbena cos grupos Costa Blanca e Ritmo.

 O domingo día 4, ás 12:15 horas, misa cantada pola Coral do Club de Terceira Idade e Pensionistas de A Guarda, e acompañada pola banda de música da Agrupación Musical de A Guarda. Ao finalizar a celebración eucarística terá lugar á procesión.

 Ás 19:00 horas, tradicionais poxas.