GOIÁN (TOMIÑO)

GOIÁN VAI SAIR DE NOVO A RÚA 

ANTE A FALTA DE COMPROMISO DO CONSELLEIRO DE SANIDADE, JULIO GARCÍA COMESAÑA

Compoñentes da Plataforma en defensa da Sanidade  Pública de Tomiño, nunha mobilización de 2021

Plataforma en defensa da Sanidade  Pública de Tomiño

 A Plataforma en defensa da Sanidade  Pública de Tomiño, ante a falta de compromiso do conselleiro de Sanidade, Julio Garcia Comesaña e despois de anunciar con bombo e platillo no Parlamento de Galicia a apertura do consultorio de Goián, este segue sen abrir; é cun coste  económico engadido dende hai uns cantos meses pagando o aluguer do propio local pechado e preparado. Este baixo para o consultorio, foi  a  administración local quen o puxo a disposicion do Sergas con todos os  servizos e  co visto e prace da Xerencia do Sergas e dos seus técnicos.  

 Ante este tipo de actuacións por parte da consellería  de Sanidade,  e do propio conselleiro Sr. Comesaña, as veciñas e veciños de Goián, sentímonos, DEFRAUDADOS E ENGANADOS.  

 Polo tanto ante esta falta de respecto as e os cidadans deste concello, nin imos calar nin imos parar ata que A APERTURA  DO CONSULTORIO  sexa unha realidade, pois coa saúde e os cartos  públicos dos veciños non se xoga.    

 Este próximo sábado, día 2 de decembro, ás 11,30 h., en Goián estades convocadas/os a un VÍA CRUCIS RUIDOSO POLA APERTURA DO CONSULTORIO DE GOIÁN XA LLE CHEGA.  

 Precisamos moitas voces para que nos escoiten e dunha vez o Consultorio de Goián se abra. 

 Necesitamos a túa presenza para defender a Sanidade Pública. 

 Para mais adiante anunciaremos a próxima concentación  en Tomiño!!!  

ACUDIDE!!!!!