A CIG convoca asembleas e mobilizacións, nas sete cidades, contra a carestía da vida
Infogauda / Compostela
A CIG convoca para mañá mércores, día 4 de outubro, asembleas de delegadas e delegados para analizar a actual situación económica, laboral e social. Ao seu remate, están previstas concentracións simultáneas, nas sete cidades, ás 12:00.
A central sindical denuncia o gravísimo incremento dos prezos dos produtos de primeira necesidade, que está provocando, á súa vez un medre desbocado da inflación. Unha situación que, xunto a suba do euribor e, en consecuencia das hipotecas, está afogando economicamente as familias e a clase traballadora no seu conxunto. Fronte a isto, a CIG denuncia os beneficios millonarios que están acumulando a banca e as multinacionais enerxéticas, mais tamén as grandes cadeas de alimentación.
CONCENTRACIÓNS (12:00 H)
A CORUÑA: BBVA de Catro Camiños (esquina avenida de Oza con Concepción Arenal).
FERROL: Diante do Banco Santander, Rúa Real, 1, esquina Praza de España.
SANTIAGO: Praza de Galiza.
LUGO: BBVA Rúa Raíña.
OURENSE: Santander empresas, Rúa do Paseo, 22.
PONTEVEDRA: Praza da Peregrina.
VIGO: Encrucillada de Colón, tras percorrer en manifestación desde a Praza do Rei, ata ese punto.
Ningún comentario:
Publicar un comentario