O ROSAL

O Rosal retira dous símbolos franquistas na Lomba e Sandián  

O Concello levou a cabo o tallado da pedra para eliminar dous escudos e deixar a lousa lisa  

Os traballos contan cunha subvención de 585 euros da Deputación de Pontevedra 

 

Operario tallando a pedra do frontispicio da fonte da Lomba

Vista da fonte logo de ser suprimida a simboloxía franquista

Infogauda / O Rosal

 O Concello do Rosal vén de retirar dous símbolos franquistas aínda existentes en elementos patrimoniais do municipio. Así, a través dunha subvención de 585 euros da Deputación de Pontevedra, o concello eliminou dous escudos situados nun piar da ponte de Sandián e outro na fonte da Lomba. 

Vista do piar da Ponte de Sandián logo de serlle eliminada a simboloxía franquista

 Como sinala a alcaldesa, Ánxela Fernández Callís, con esta iniciativa buscamos “seguir dando pasos para unha sociedade máis igualitaria e democrática que respecte a memoria histórica”.  

 Os traballos de actuación consistiron no tallado da pedra para eliminar os escudos existentes, deixando as lousas lisas e libre de calquera simboloxía.