O CONCELLO CONVIDA Á SAUDAR ÁS SUBCAMPIOAS DA COPA DE EUROPA DE BALONMAN FEMININO
• Este martes día 16 de maio, ás 20.30 horas, na praza do Reloxo
Ricardo Rodríguez Vicente / A Guarda
No día de hoxe, o Concello de A Guarda fixo pública á invitación á cidadanía, para asistir este martes día 16 de maio, ás 20:30 horas, na praza do Reloxo, á recepción ás xogadoras subcampioas da Copa de Europa de Balonman Feminino.
Vai ser - debera selo - unha magnífica oportunidade para poñer en valor os destacados logros acadados nesta temporada 2022-23, polo equipo Mecalia Atlético Guardés, e de xeito especial por haber logrado proclamarse subcampioas da Copa de Europa.
Asistir a esa recepción será un xeito de amosar o agradecemento da cidadanía de A Guarda ao labor realizado polas xogadoras, equipo técnico, colaboradores, seareiros e xunta directiva.
Dese xeito, este martes á tardiña, que ninguén quede na casa. Temos unha cita na praza do Reloxo para demostrar, coa presenza da cidadanía, a estima que lles temos a todo o equipo e ao club que leva por España e por Europa, o nome da vila de A Guarda e todo o que iso significa para unha localidade como á nosa.
Ningún comentario:
Publicar un comentario