GALIZA

Concentracións de pensionistas e xubiladas da CIG nas oficinas do INSS das sete cidades contra a exclusión dixital 

Infogauda / Galiza

 O colectivo de xubilados/as e pensionistas da CIG convoca para o vindeiro xoves, día 16 de marzo, nas sete cidades galegas, concentracións contra a súa exclusión dixital.  

 As mobilizacións, que se desenvolverán diante das oficinas do INNS (nas que escenificarán a súa situación), insírense na campaña posta en marcha na que, ademais, están recollendo sinaturas para entregar na Valedora do Pobo en demanda de que se eliminen as barreiras de acceso a servizos públicos tan básicos como a sanidade ou ao propio INNS, para tramitar todo o relativo as súas pensións. 

MOBILIZACIÓNS 

A Coruña, ás 11h, INSS (Rúa Félix Estrada Catoira). 

Ferrol, ás 11.30h, INSS (Rúa Catalunya). 

Santiago, ás 10.30h, INSS (Galeras). 

Lugo, ás 11h, INSS (Ronda Xosé Castiñeira, 26). 

Ourense, ás 11.30h, Oficina da Seguridade Social (Praza Eduardo Barreiros). 

Vigo, ás 11h, edificio INSS en Coia (Rúa O Grove). 

Pontevedra, ás 11.30h, Oficina da Seguridade Social (Gago de Mendoza, 4).