DEPORTES

ATLETISMO

Un ano máis, a Sociedade Atlética do Trega (Tomiño), relaciónase cos mellores clubs sacando músculo no campionato provincial Xogade de Cros 

• Con 5 medallas individuais e un ouro por equipos, en cadete masculino

Podio por equipos, no que a Sociedade  Atlética do Trega, logrou a 1ª praza

Informa: Sociedade Atlética do Trega

 Onte  domingo,  o parque de Castrelos, de Vigo, encheuse cos 735 nenas/as que ata alí foron para participar na final do campionato provincial de Xogade, que foi o filtro para poder clasificarse para o campionato galego. Acudiron os mellores escolares especialistas do panorama de Pontevedra. 

 

Álex Sierpes Pereira - no centro -, coa súa medalla de ouro, e  Alejandro Santos Adrover - a der. -, coa medalla de bronce

 

 O noso club tivo unha importante participación, sendo os resultados, o máis destacado da xornada. O prato forte foi a categoría cadete masculina, na cal Álex Sierpes Pereira conseguiu o título individual de campión provincial, seguido con bastante diferenza,  polo seu compañeiro Alejandro Santos Adrover que tamén subiu ao pódium conseguindo a medalla de bronce nun disputadísimo final de carreira. Pero os logros non quedarían aí, porque xunto cos seus compañeiros Eric Ríos Rosario e Darío Carreiro Pérez, foron os que  sumaron  menos puntos  conseguindo ser campións provinciais por equipos, dándolle o billete directo para  disputar o galego. 

Sergio Silva Couto - no centro do podio - coa súa medalla de ouro

Nadia Conejo Bascoy - a esq. do podio - coa súa medalla de bronce

Alan de la Fuente Maculewicz - a der. - no podio, coa súa medalla de bronce

 Na categoría alevín, o triunfo de ouro logrouno Sergio Silva Couto, seguido de Nadia Conejo Bascoy na categoría benxamín onde conseguiu o bronce. E pechando a xornada, a 5ª medalla individual co bronce de Alan de la Fuente Maculewicz, na categoría benxamín.  

Moitísimas felicidades!