OIA

Carmen Álvarez Pérez, a muller mais lonxeva de Oia,  cumpre 103 anos  

   

Carmen Álvarez Pérez - no centro da imaxe - xunto súa familia, coa torta que a alcaldesa e a tenente de alcalde, lle entregaron para felicitala en nome do Concello de Oia 

Foto: C.O.

Infogauda / Oia

 Carmen Álvarez Pérez, veciña da parroquia de Burgueira e a muller máis lonxeva do municipio, cumpriu hoxe 103 anos. Para felicitala en nome do Concello de Oia, a alcaldesa, Cristina Correa Pombal, e a tenente de alcalde, Carmen María Estévez Adrover, fixéronlle entrega dunha torta e aproveitaron para transmitirlle os seus mellores desexos.     

 A centenaria homenaxeada celebrou o seu aniversario na compañía dos seus achegados e seres queridos. Nesta data tan especial, a rexedora e a tenente de alcalde achegáronse a felicitala e transmitirlle os parabéns e agarimos en nome de todo o municipio.  

 Carmen Álvarez naceu o 17 de novembro de 1919 en Torroña, trasladándose a vivir a Burgueira cando casou con José, veciño coñecido por ser o carteiro nesta parroquia. Traballou toda a vida no campo, tivo 3 fillos e, segundo lembran na súa familia, foi unha muller de gran memoria: cando ía ata Comercial Blanco para facer a compra, levaba sempre a lista de memoria e, ademais, facía todos os cálculos mentalmente, sen ter que recorrer á axuda da calculadora.   

 Despois dunha existencia chea de traballo e esforzo, actualmente a ‘avoa de Oia’ supera o século de vida gozando do cariño da súa gran familia.