A GUARDA

A Guarda vai acoller o obradoiro Social Pilgrims II

• Para a creación de filtros de realidade aumentada para redes sociais  

• Terá lugar o 5 de outubro ás 19:30h, na Casa dos Alonso 

• Inscricións na OMIX de A Guarda no enderezo electrónico informacion@aguarda.es  

Infogauda / A Guarda

 A Aula Municipal, sita na Casa dos Alonso, vai acoller o vindeiro mércores día 5 de outubro, ás 19:30 horas, un obradoiro para a creación de filtros de realidade aumentada para redes sociais. A actividade está orientada a un público xeral a partir dos 12 anos. 

 Esta iniciativa forma parte do programa O teu Xacobeo, da Xunta de Galicia, e estará impartida por monitores de Ceo Aberto Divulgación. 

 Nestas sesións prácticas procurarase familiarizar as/os usuarias/os das principais redes sociais (Facebook, Instagram, TikTok) coas ferramentas de creación de filtros de realidade aumentada (RA) e a súa posterior incorporación aos propios perfís. Asemade, falarase dos riscos de seguridades das redes sociais e daranse pequenas claves de como protexer os nosos contidos ao tempo que optimizamos o rendemento e impacto das nosas publicacións.  

 Na actividade, que é de balde,  poderase inscribir calquera persoa interesada a partir dos 12 anos de idade no enderezo electrónico informacion@aguarda.es  da Oficina Municipal de Información Xuvenil (OMIX) de A Guarda.