OIA

Os Socialistas de Oia entregaron distincións a militantes e simpatizantes 

• O acto celebrouse no Centro Cultural de Pedornes e contou coa presencia de Valentín Formoso, David Regades, Leticia Gallego, entre outros. 

Foto de familia dos dirixentes do PSdeG-PSOE cos militantes e simpatizantes de Oia e súc contorna

Vista parcial das persoas asistentes do acto en Pedornes

Infogauda / Oia

 Na xornada do pasado sábado día 5 de xullo o Centro Cultural de Pedornes acolleu a celebración dun emotivo acto no cal a Agrupación do PSdeG-PSOE de Oia fixo un recoñecemento a militantes e simpatizantes cunha longa traxectoria para o partido no municipio. 

Américo de Oliveira, concelleiro do PSdeG-PSOE no Concello de Oia, no seu turno de intervención

 Nese acto, que arrancaba coas intervencións do concelleiro socialista Américo de Oliveira, púxose de manifesto una vez máis que Oia está no mapa e os Socialistas teñen que recuperar a alcaldía do municipio para recuperar os servizos que a cidadanía ten perdido ao longo do actual mandato dos populares. 

Gerardo Rodríguez Refojos, concelleiro e secretario xeral da Agrupación Socialista de Oia, nun momento da súa intervención no acto

 Gerardo Rodríguez, concelleiro e secretario xeral da Agrupación Socialista de Oia, fixo un emotivo discurso no que eloxiou o traballo de todas aquelas persoas que dende os comezos apostaron polo socialismo coma modelo político de cambio e progreso para Oia, recordando aos presentes que para o ano 2023 a alcaldía de Oia regresará aos socialistas ante a falta de proxecto, o inmobilismo e a inacción dos populares. 

David Regades, secretario provincial do PSdeG-PSOE

 Continuou a quenda de intervencións en Pedornes con David Regades, secretario provincial do PSdeG-PSOE, quen puxo de manifesto nas súas palabras o gran apoio co que conta a agrupación local, un apoio que vai a ser a chave do cambio en Oia, dando os parabéns á Agrupación Local polo bo traballo que está facendo dende a oposición. 

Valentín Formoso, secretario xeral do PSdeG-PSOE

 Valentín Formoso, secretario xeral do PSdeG-PSOE, indicou na súa intervención que os Socialistas de Oia teñen que voltar a gobernar en Oia, para restablecer a calidade de vida dos veciños e veciñas, mellorar a educación, a sanidade pública e todos os servizos á cidadanía que se viron minguados polo goberno actual dos populares. 

 Despois da quenda de intervencións se foron entregando as distincións a militantes, simpatizantes e familiares, rematando o acto cunha foto de grupo que puxo o broche de ouro a unha xornada para o recordo para os socialistas de Galicia e para Oia.