DEPORTES

PIRAGÜISMO

CATRO MEDALLAS PARA OS TEIXUGOS 

NA 3ª COPA GALEGA DE PROMOCIÓN DE SLÁLOM

Germán Fernández Rodríguez, concelleiro de Deportes do Concello do Rosal, co equipo do Club Deportivo Miño-Teixugos 

Rosa Fernández Carrera / O Rosal 

 Este domingo nas augas do río Tamuxe, no concello do Rosal, celebrouse a 3ª Copa Galega de Promoción de Slálom. Os máis pequenos do slálom galego fixeron unha demostración das  súas habilidades neste evento.  

  O Club Deportivo Miño-Teixugos acudiu con nove piragüistas que competiron, gozaron e fixeron amigos.  

O concelleiro de Deportes nun momento da entrega de medallas, na modalidade K1 home pre-benxamín, na que houbo podio dobre para o Club Deportivo Miño-Teixugos, xa que os padexeiros Roque Oliveira e Nico Piñeiro, foron 2º e 3º, clasificados, respectivamente 

   

 Rita Oliveira resultou cuarta en K1 muller benxamín. En K1 muller alevín, Nerea Álvarez conseguiu o bronce e Leila Álvarez foi sexta. En K1 home pre-benxamín houbo podio dobre, Roque Oliveira foi segundo e Nico Piñeiro terceiro. En K1 home benxamín, medalla de prata para Lois Montenegro, na mesma categoría, Tiago Rey foi cuarto e Martín Vicente sexto. En K1 home alevín Iván Cruz rematou oitavo. Catro medallas por tanto para os teixugos nesta 3ª Copa Galega.  

 Na clasificación final por equipos, o club gañador foi o Tea de Mondariz e o Deportivo Miño rematou cuarto.