A Guarda presenta unha Axenda de Verán chea de actividades para todos os gustos e idades
• Que vai a encher as súas rúas e prazas de música, baile e outras expresións artísticas, para achegar a cultura a toda a cidadanía.
Infogauda /A Guarda
O Concello de A Guarda vén de presentar a Axenda de Verán 2022, unha programación de actividades extensa, para todos os gustos e para todas as idades, que estenden ata o mes de setembro con concertos, exposicións, actividades de rúa, eventos deportivos, festas gastronómicas, populares e relixiosas, entre outros.
A concelleira de Cultura, Mª Montserrat Magallanes Álvarez, destaca a gran aposta feita dende o concello para realizar unha programación variada e atractiva, tanto para guardeses coma visitantes, e que sen dúbida non deixará a ninguén indiferente.
Mª Montserrat Magallanes indicou na presentación que A Guarda presenta deste xeito un verán no que se retoma a actividade cultural, de ocio e deportiva trala pandemia, froito dun amplo traballo de programación e organización que se pode ver xa reflexado na gran cantidade de eventos recollidos nesta Axenda de Verán 2022.
O Alcalde de A Guarda convida a visitantes e guardeses a participar nesta programación da Axenda de Verán 2022, cunha variedade e calidade de eventos que fará de impulso para todo o tecido empresarial da vila, atraendo a moitas persoas e incentivando tamén a actividade comercial da vila da Guarda.
Dende o Concello de A Guarda se fai un agradecemento público a todas as asociacións culturais e deportivas da vila, que co seu traballo enriquecen ao noso pobo e conseguen facer sorrir, desfrutar e pasar un rato agradable a todas as persoas que se achegan a participar con elas da cultura e do deporte na nosa vila. Despois da pandemia precisamos recuperar o tempo perdido e voltar a desfrutar dos bos momentos, encher as nosas rúas de música, baile, cine e doutras expresións artísticas.
A programación de actividades arrancou na pasada fin de semana con A Guarda Diversa, A Guarda Mar de Blues e a XXX edición da Festa da Langosta e da Cociña Mariñeira, unha fin de semana intensa e chea de propostas na que non faltou a música, o ocio e a boa gastronomía.
Seguindo coa programación da Axenda de Verán este xoves día 7 de xullo ás 22:30h a Praza do Reló acollerá a proxección de cinema “El Principito”
Unha das citas musicais máis importantes do verán terá lugar o vindeiro sábado día 9 de xullo ás 22:30h na explanada do Porto de A Guarda, co concerto de Heredeiros da Crus celebrando o seu 30 aniversario.
Apertura de portas ás 21:30h, inicio dos concertos ás 22:30h. Entrada de balde ata completar o aforo. Nesta xira do 30 aniversario de Heredeiros da Crus teremos na Guarda a oportunidade de “josar” dos seus auténticos sons en estado puro, nunha noite que, de seguro, quedará para o recordo.
A Axenda de Verán comprende os meses de xullo, agosto e setembro con actividades coma os festivais de Baile Moderno de Xamaraina, a programación de actividades infantís de “Miúdo Verán” (todos os xoves), as Festas do Carme, Feira Outlet do comercio local, o Encontro dos Pobos, eventos deportivos, a Festa do Peixe Espada, a Mostra Creativa, presentación de libros e exposicións, as Festas de San Caetano, o Encontro do libro Luso-Galaico, a Festa do Percebe, concerto da Agrupación Musical de A Guarda, as Festas da Virxe da Guía, as Festas das Mercedes ou a Mostra Asociativa.
Especial mención nesta programación para as Festas do Monte Santa Trega, que terán lugar do 8 ao 15 de agosto. Unha semana grande de festas na vila de A Guarda, na que as noites de verbenas se compaxinan con diferentes actividades deportivas e culturais.
Na xornada do sábado día 13 de agosto ás 11:30h ten lugar o Desfile Folclórico e de Bandas Mariñeiras, un evento multitudinario previo ao día grande - o Domingo do Monte , no que dende a mañá as Bandas Mariñeiras soben ata o cumio do Monte Santa Trega para realizar os seus xuramentos ao son dos bombos, tambores e gaitas. As festas rematarán na noite do luns día 15 de agosto coa gran tirada de fogos de artificio no Porto de A Guarda.
EXPOSICIÓNS
A Guarda terá tamén unha importante exposición pictórica este verán que estará na Casa dos Alonso entre o 26 de xullo e o 13 de agosto, e na que se poderán observar e apreciar as obras da artista guardesa Chuny Vázquez.
VISITAS GUIADAS AO CASTRO DO MONTE SANTA TREGA
Ao longo do verán e de martes a domingo ofértanse visitas guiadas ao Castro do Monte Santa Trega. Unha oportunidade para coñecer o noso patrimonio con visitas que terán lugar ás 12:00h, 13:00h, 18:00h e 19:00h horas
Inscrición e información no enderezo electrónico masat@aguarda.es ou no teléfono 690 017 038.
PROGRAMA COMPLETO
30 DE XUÑO - 1 DE XULLO
A GUARDA DIVERSA
Na Praza do Reló
1 E 2 DE XULLO
FESTIVAL MAR DE BLUES
Na Praza do Reló
1, 2, 3 DE XULLO
FESTA DA LANGOSTA
No porto de A Guarda
7 DE XULLO
CINE NA RÚA “EL PRINCIPITO”
Na Praza do Reló ás 22:30 horas.
9 DE XULLO
CONCERTO HEREDEIROS DA CRUS (Musigal 2022)
No Porto de A Guarda ás 22:30 horas.
10 DE XULLO
FESTIVAL DE BAILE MODERNO “O GRAN SHOW”
No Auditorio de San Bieito ás 20:30 horas
Organiza: A.C. Xamaraina
14 DE XULLO
ESPECTÁCULO DE DANZA E HUMOR “SOFÁ”
No Auditorio de San Bieito ás 20:30 horas.
15, 16 DE XULLO
FESTAS DO CARME
No porto de A Guarda
Organiza: Comisión de Festas do Carme
21 DE XULLO
CINE NA RÚA “BELLA Y EL CIRCO MÁGICO”
Na Praza do Reló ás 22:30 horas.
23 DE XULLO
FERIA OUTLET
Na praza de Avelino Vicente
Organiza: ACIGU
23 DE XULLO
ENCONTRO DOS POBOS
No Auditorio de San Bieito ás 20:30 horas
Organiza: A C. Do Lusco ó Fusco
23 DE XULLO
II CARREIRA DE ORIENTACIÓN
Inscricións www.xestanatureza.com
28 DE XULLO
CONCERTO INFANTIL ROCKEANDO CON RAMONA ÓRBITA, A DONA DO TEMPO
Na Praza do Reló ás 20:30h
29, 30, 31 DE XULLO FESTA DO PEIXE ESPADA
Nos restaurantes da vila
Organiza: OR.PA.GU.
30 DE XULLO
MOSTRA CREATIVA DO BAIXO MIÑO
Na praza de Avelino Vicente
30 DE XULLO
EVENTO DEPORTIVO DO CLUBE DE JUDO BAIXO MIÑO
No campo municipal de fútbol A Sangriña ás 20:30 horas
Organiza: Clube de Judo Baixo Miño.
4 DE AGOSTO
ESPECTÁCULO DE CIRCO “CARMAN”
No Auditorio de San Benito ás 20:30 horas
4 DE AGOSTO
PRESENTACIÓN DO LIBRO “SOBRE LA CRIANZA”, de Jesús Rodríguez Salazar.
No Centro Cultural ás 19:30 horas.
4, 5, 6, 7 DE AGOSTO
FESTAS DE SAN CAETANO
No barrio da Cruzada
Organiza: Comisión de Festas de San Cayetano
8 ó 15 DE AGOSTO
FESTAS DO MONTE SANTA TREGA
Na Alameda e rúas da vila.
Organiza: A.V. C.D. Alameda
11 DE AGOSTO
GALICIA ILUSIONA, ILUSIONISMO
No Auditorio de San Bieito ás 20:30 horas.
19, 20 DE AGOSTO
III ENCONTRO DO LIBRO LUSO GALAICO
Na Praza do Reló
20 DE AGOSTO
FERIA OUTLET
Na Praza de Avelino Vicente Organiza: ACIGU
20 DE AGOSTO
II TORNEO DE PETANCA CONCELLO DE A GUARDA
No Campo do Codesal
24 DE AGOSTO
CONCERTO MÚSICA NO AR
No atrio da igrexa parroquial de Santa María, ás 20:30 horas.
Organiza: Deputación de Pontevedra
23,27 E 28 DE AGOSTO
FESTA DO PERCEBE
Na Alameda de A Guarda
Organiza: A.C. Alameda
26 DE AGOSTO
TEATRO CRÓNICAS DO PARAÍSO
Na Praza do Reló ás 21:30 horas.
27 DE AGOSTO
CONCERTO DE VERÁN DA BANDA DE MÚSICA DA AGRUPACIÓN MUSICAL DE A GUARDA
No Auditorio de San Benito ás 20:30 horas
Organiza: Agrupación Musical de A Guarda
28 DE AGOSTO
FESTIVAL DE BAILE MODERNO “REMEMBER”
No Auditorio de San Benito ás 20:00 horas
Organiza: A.C. Xamaraina
28 DE AGOSTO
CARREIRA PEDESTRE VIRXE DA GUÍA
Na Praza da Guía ás 19:00 horas
Organiza: Comisión de Festas Virxe da Guía
2, 3, 4 DE SETEMBRO
FESTAS VIRXE DA GUÍA
Na Praza da Guía Organiza: Comisión de Festas Virxe Guía
3 DE SETEMBRO
PERFORMANCE FOCO, PROXECTOS ANTIBULOS
Na praza de Avelino Vicente às 12:00 horas.
Organiza: A. FOCO
DO 3 AO 25 DE SETEMBRO
FESTAS DAS MERCEDES A GÁNDARA
No barrio da Gándara
Organiza: A.VV. O Percamino
10 DE SETEMBRO
MOSTRA ASOCIATIVA
Na Praza de Avelino Vicente a partir das 15:30 horas
.jpeg)
Ningún comentario:
Publicar un comentario