DEPORTES

JUDO

Despois dos bos resultados das últimas citas

DÚAS NOVAS CITAS PARA O CLUB DE  JUDO BAIXO MIÑO 

Elena Cañibano, medalla de bronce no Campionato de España universitario na categoría de -57kg

Informa: Club de Judo Baixo Miño / A Guarda

 As catro medallas na Copa de España junior (de  Zaira Lamas, medalla de prata na categoría de -52 kg;  Noa González e Carla Lomba, ambas as dúas medallas de bronce na categoría de -70kg; e a medalla de bronce de Pablo Cadilla na categoría de -90kg), acreditan o nivel dos judokas de A Guarda e súa contorna.

Verónica Pérez

 O sétimo posto de Verónica Pérez na Copa de Europa junior que se celebrou en Francia, e a medalla de bronce de Elena Cañibano no Campionato de España universitario na categoría de -57kg, darán paso esta fin de semana á quenda de 51 judokas da base do club que competirán na fase do  Xogajudo que se celebra no Porriño. E á súa vez Verónica Pérez saltará o domingo aos tatamis nunha nova Copa de Europa tentando seguir sumando puntos para clasificarse para o Campionato de Europa. 

 Moita sorte a todos.