CULTURA

VISITA DAS SOCIAS E SOCIOS DO MUSEO DO POBO GALEGO Á CIDADE DE LUGO

A visita cultural á cidade de Lugo está organizada pola Oficina de socias e socios do Museo do Pobo Galego 

Casa dos Mosaicos

Foto: C.L.

David Conde / Santiago de Compostela

 A oficina de socios do Museo do Pobo Galego pretende retomar e normalizar as actividades entre os seus socios logo do parón que provocou a pandemia e, para isto, nada mellor que relanzar as actividades na semana que se celebra o Día Internacional dos Museos (18-05-22) e que en Compostela leva por lema “O Poder dos Museos”. 

 Esta primeira proposta, vista a disposición e vontade dos demais entes colaboradores, consiste nunha visita a cidade de Lugo e que comprende actos de presencia e percorridos polas distintas localizacións culturais da cidade (visita á catedral, Casa dos Mosaicos, A Domus do Mitreo, Parque de Rosalía, o Vello Cárcere...) así como a recepción por parte das e dos responsables das entidades. 

Recepción 

Sábado 21 ás 17 h. no Museo Provincial de Lugo, asistirán: 

- Dona Tareixa A. Ferreiro Tallón (Vicepresidenta da Deputación de Lugo e responsable da Rede Museística Provincial 

- Dona Aurelia Balseiro García (Directora do Museo Provincial de Lugo) 

- Don Manuel Vilar Álvarez (Director do MPG) 

- Don Clodio González Pérez (Patrón do MPG, que nos falará sobre a catedral e sobre o Parque de Rosalía) 

- Don Xosé Ignacio Vilaseco Vázquez (Representante de socias e socios no MPG e arqueólogo, que se encargará de dirixir aos asistentes pola cidade)