OIA

Os Socialistas de Oia reclaman máis investimentos por parte da Xunta de Galicia no municipio 

A deputada María Leticia Gallego Sanromán, do Grupo Parlamentario dos Socialistas de Galicia, xunto cos concelleiros do Grupo Municipal do PSdeG-PSOE no Concello de Oia, comprobando in situ un pormenor da rede de saneamento municipal de Oia

Foto: Cedida

Infogauda / Oia

 Á Agrupación Local do PSdeG-PSOE de Oia, vén de facer público o seguinte comunicado:

 "Os Socialistas de Oia, a través das enmendas parlamentarias aos presupostos da Xunta de Galicia, veñen de reclamar máis investimentos para o Concello de Oia para acometer melloras moi necesarias e reclamadas polos veciños do municipio coma unha nova depuradora de augas residuais (2.000.000€), mellora do saneamento nas Mariñas (500.000€) ou a eliminación de diversos puntos de vertidos ilegais na costa (300.000€).

Nesta relación de propostas presentadas no Parlamento de Galicia polo Grupo Parlamentario dos Socialistas de Galicia, figuran, entre outras as correspondentes a Oia 

 Estas importantes reclamacións solicitadas solventarían os numerosos problemas existentes no municipio en canto a saneamento e depuración de augas residuais, mellorando tamén o medio ambiente e a calidade de vida dos nosos veciños e veciñas".