DEPORTES

 ATLETISMO

NOVO ÉXITO DA ATLETA GUARDESA EMILIA RODRÍGUEZ BAZ

Onte acadou a medalla de ouro, no Campionato de Galicia de marcha en pista de inverno ao aire libre

Emilia Rodríguez Baz (Milu), no centro do podio. coa súa medalla de ouro, lograda na proba de 5km de marcha atlética

Informa: Sociedade Atlética do Trega

  O domingo 21 de novembro nas pistas de atletismo do Centro Galego de Tecnificación Deportiva (CGTD) de Pontevedra, celebrouse o Campionato de Galicia de marcha de inverno, en pista ao aire libre.

Milu Rodríguez Baz coas súas compañeiras de podio

 Ás 13:05 h deuse o pistoletazo de saída a proba de 5km de marcha atlética, na cal, a nosa marchadora Emilia Rodríguez Baz (Milu), de A Guarda, impúxose, parando o crono cun tempo de 27´58"87, e logrando a medalla de ouro de Galicia. 

 Felicidades Milu!