A GUARDA

A Lotería Nacional deixa un premio de 30.000 euros na vila

O número agraciado foi vendido por terminal, resultando premiado no sorteo deste xoves

Sonia e Óscar, da Administración de Loterías nº 1, de A Guarda, co rótulo do número premiado no sorteo da Lotería Nacional do xoves día 2 de setembro

Foto: Cedida

Infogauda / A Guarda

 A Administración de Loterías nº 1, sita na Rúa de Galicia, nº 42, de A Guarda, e rexentada por Óscar Álvarez Iglesias e Sonia Moreno Dufosse, continúa repartindo sorte. Nesta ocasión trátase dun premio de 30.000 euros no sorteo da Lotería Nacional celebrado este xoves.  

 A devandita administración vendeu un décimo, validado por terminal, do número 12.131, do 1º premio, e dotado con un importe de 30.000 euros ao décimo.  

  A Administración de Loterías nº 1 leva repartido importantes premios. En 2014 foron 1.200.000 euros no sorteo da Lotería do Xoves. En novembro de 2017 repartiu 164.000 euros no Gordo da Primitiva e en xaneiro de 2020 a Lotería Nacional deixou un premio de 300.000 euros.