O Concello de A Guarda traballa pola mellora da eficiencia enerxética e o mantemento do servizo da piscina municipal
• A administración local adxudicou o 9 de febreiro a elaboración dunha diagnose enerxética para esa infraestrutura deportiva
Infogauda / A Guarda
O pleno do Concello de A Guarda procedeu no día de onte, 22 de febreiro do 2021, á aprobación da modificación do contrato coa concesionaria da piscina municipal. Con ese acordo, que contou coa aprobación de todos os grupos municipais, o concello guardés pasa a afrontar os gastos orixinados polo protocolo COVID nas devanditas instalacións deportivas, así como asumir o canon do 13% en consumos enerxéticos (ata de agora estes gastos asumíaos a concesionaria). Dese xeito, a través desa modificación contractual que se realiza no marco da necesidade de adoptar medidas urxentes e extraordinarias para facer fronte ao impacto económico do COVID- 19 e garantir a continuidade do servizo, ante a dificultade para o concesionario da execución do contrato; motivo polo cal o Concello de A Guarda colabora coa concesionaria da piscina municipal.
"Por outra banda, o concello vén mantendo reunións coa empresa concesionaria, a cal xa trasladou a negativa de ampliación do contrato por un prazo de 2 anos, para paliar as consecuencias negativas por mor do COVID-19. Como resultado deses encontros, o pasado 2 de febreiro acordouse que era unha prioridade acometer unha diagnose enerxética da piscina e así se formalizou o contrato o 9 do mesmo mes, no que ademais dunha auditoría enerxética tamén se vai a realizar unha avaliación da propia estrutura arquitectónica. Destas cuestións son coñecedores todos os grupos municipais", indicaron desde o Equipo de Goberno Municipal do Concello de A Guarda.
Ningún comentario:
Publicar un comentario