TOMIÑO

ANA PONTÓN ENCABEZA UN CUMIO MUNICIPAL

A portavoz nacional do BNG estará este martes día 29 de setembro en Tomiño

 

Ana Pontón, portavoz nacional do BNG

 

Infogauda / Tomiño

 A portavoz nacional do BNG, Ana Pontón, encabeza o cumio municipal que reunirá este martes día 29 de setembro en Tomiño a todos os alcaldes, alcaldesas e responsables municipais dos concellos do Baixo Miño que fan fronteira con Portugal para analizar a situación económica e social entre ambos lados do Miño neste contexto de pandemia. 

 Igualmente, analizarán propostas para evitar repetir os mesmos problemas en caso de que un novo gromo afectase a comunicación entre os concellos dun lado e outro da fronteira, tendo en conta a intensa relación laboral, económica e social que manteñen. 

 Neste cumio participarán a alcaldesa de Tomiño, Sandra González; a do Rosal, Ánxela Fernández; o rexedor das Neves,  Xosé Méndez; o portavoz municipal de Tui, Xosé Martínez; o portavoz de A Guarda, Anxo Lois Baz, e a portavoz de Salvaterra de Miño, Patricia Mariño. 

 Igualmente, participarán o deputado provincial, Uxío Benítez e os parlamentarios por Pontevedra, Luís Bará e Manuel Lourenzo.