29 de set. de 2020

TOMIÑO

A Concellaría de Deportes fai chegar ao palista Roi Rodríguez os seus parabéns polo novo logro no Campionato do Mundo de Piragüismo 

O tomiñés e o seu compañeiro catalán no Kaiak Tudense, Albert Martí, lograron a medalla de ouro na final do K2 500, na localidade húngara de Szeged  

 

O palista Roi Rodríguez, de Tomiño logrou xunto co seu compañeiro Albert Martí, a medalla de ouro na final do K2 500, na Copa do Mundo de Pîragüismo, disputada en Szeged
Foto: C.T.

 

Infogauda / Tomiño

 O pasado sábado o tomiñés Roi Rodríguez, e o seu compañeiro catalán no Kaiak Tudense, Albert Martí, lograron a medalla de ouro na final do K2 500, na Copa do Mundo de Piragüismo, disputada na localidade húngara de Szeged. Triunfando nun bonito e apaixonante esprint sobre a outra parella española en lide, a dos asturianos Pelayo Roza e Pedro Vázquez. Rodríguez e Martí impuxéronse en 1.29,60, por tan só 17 centésimas de segundo.  

 A Concellaría de Deportes do Concello de Tomiño, que dirixe Fran Campo Lago, quere facer chegar ao gran palista tomiñés os seus máis sinceros parabéns por este novo logro, na única competición internacional de piragüismo que se disputa este ano, salientando que este novo ouro é o resultado do esforzo e dedicación constante do deportista, que leva traballando duramente dende hai moitos anos.

Ningún comentario:

Publicar un comentario