CANGAS DO MORRAZO

O CONCELLO DE CANGAS DO MORRAZO RECOÑECE O LABOR DESENVOLVIDO POLA ASOCIACIÓN STOP ACCIDENTES

E pola súa delegada en Galicia Jeanne Picard Mahaut 

Jeanne Picard Mahaut, delegada en Galicia da Asociación Stop Accidentes  
Foto: Infogauda 

Infogauda / Cangas do Morrazo

 Dentro da Semana Europea da Mobilidade, o Concello de Cangas do Morrazo vai participar activamente no Día Europeo sen coches. Dese xeito, Xosé Manuel Pazos Varela, alcalde presidente do concello convida á cidadanía a participar nos actos organizados polo departamento de mobilidade, e que terán lugar o  22 de setembro do ano en curso, de acordo co seguinte programa:

11:00 Recepción de autoridades e participantes.

11:10 Recepción de escolares que camiñan ata o concello.

11:20 Acto de entrega de premios no salón de plenos.

11:45 Peche do acto polo alcalde presidente.

12:00 Inauguración, coa participación activa dos escolares, da aula de mobilidade e do parque móbil con dez novas unidades. 

 Como faise constar nas invitacións, "neste ano 2020, a Xunta de Goberno Local acordou premiar o traballo desenvolvido pola ASOCIACIÓN STOP ACCIDENTES e pola súa delegada en Galicia Dª JEANNE PICARD MAHAUT, destacando o apoio os afectados en sinistros de tráfico e a implicación permanente en materia de seguridade viaria". 

 Asemade, tamén se indica que polas razóns especiais por todos coñecidas, de prevención da saúde pública, o acto será reducido en número de asistentes, cumprindo os protocolos sanitarios, polo que deberán confirmar asistencia por medio do teléfono ou do whatsapp de mobilidade 687 33 51 43.