CAMPOSANCOS (A GUARDA)

A ENTIDADE LOCAL MENOR DE CAMPOSANCOS CHAMA A MOBILIZACIÓN 

 

PARA QUE A SENDA PEONIL ENTRE CAMPOSANCOS E A GUARDA SEXA UNHA REALIDADE

 

Merchi Martínez (presidenta da ELM de Campsoancos): “O inicio da  mobilización social esixindo o compromiso das administracións comeza a dar os seus froitos” 

Mercedes Martínez Vázquez, alcaldesa-pedánea da Entidade Local Menor de Camposancos

Infogauda / Camposancos

   Desde o mes de novembro a Entidade Local Menor de Camposancos reuniuse con todas as asociacións culturais e deportivas camposinas: Comunidade de Montes Veciñais en Mán Común de Camposancos, Sociedade Los Amigos, Clube Alagua, Clube de Petanca O Caldeiro e Clube de Tenis Codesal, coa finalidade de dar os primeiros pasos para esixir das administracións competentes unha senda peonil para unir A Guarda con Camposancos.  

 Trátase dunha reivindicación moi demandada por veciños, turistas e deportistas que ven como a estrada PO-352 está sobrecargada de tráfico rodado o que dificulta os desprazamentos a pé ou en bicicleta.  

 

 A presidenta da Entidade Local Menor de Camposancos, Mercedes Martínez Vázquez (Merchi), chama a todo o vecindario de Camposancos e A Guarda a sumarse a marcha-manifestación convocada para o domingo día 1 de marzo ás 10:30 da mañá, desde o Casino de Camposancos baixo o lema “por unha ecosenda para camiñar seguro de Camposancos ata A Guarda”. 

 Según Mercedes Martínez, “so o feito de anunciar a manifestación esixindo o compromiso das administracións comeza a dar os seus froitos. O Concello xa elaborou o anteproxecto para a senda nun tempo récord. Congratulámonos de que se empecen a mover as cousas e danos forza para seguir pelexando para que o anteproxecto se transforme nunproxecto, e se busque a financiación necesaria para convertilo en realidade”.  

 A presidenta da ELM conclue: “Estamos convencidas/os que si nos movemos a senda vai ser unharealidade polo que vos pido o apoio masivo a esta marcha-manifestación”.