O ROSAL

ACTIVIDADES MUSICAIS NADAL 2019     

Organizadas pola Agrupación Musical do Rosal

Cartel anunciador, debuxo de Daniela Fernández Vicente, de 10 anos, primeiro premio do V Concurso de Carteis de Nadal

Agrupación Musical do Rosal / O Rosal

 Con motivo das festas do Nadal, a Agrupación Musical do Rosal organiza durante este mes varias actividades que terán lugar no Auditorio Municipal do Rosal.  

 A primeira delas será o Festival de Nadal que terá lugar este domingo día 15 ás 18:30 horas e no cal participarán os nen@s de Iniciación Musical e da Escola de Música, Coro, Coro Infantil, Minibanda e Banda Infantil da nosa Agrupación, que ofrecerán un concerto moi entretido para o público. Durante o transcurso do acto realizarase a entrega dos premios do V Concurso de Carteis de Nadal. Na entrada principal do auditorio estarán expostos os debuxos gañadores e finalistas do concurso que, dentro da escola de música, organiza anualmente a asociación.

 Os días 20 e 21 de decembro, será o turno dos alumnos da escola de música que ofrecerán a primeIra audición deste curso (Vento madeira, vento metal, percusión e corda), ás 20:00 horas e 20:30 horas, respectivamente. 

 O domingo 22 de decembro ás 19:00 horas a banda de música da Agrupación Musical do Rosal, dirixida por Javier Alonso Pérez estará acompañada das voces das artistas convidadas Andrea Pousa e da lusa Ana Almeida. Ofrecerán o espectáculo musical "Voces da Raia", no cal se interpretarán temas de unha e outra beira do Miño. Será a primeira vez que podamos desfrutar dun proxecto destas características, onde mesturamos as voces líricas con arranxos sinfónicos sobre temas "de sempre" que vencellan dúas culturas e dúas linguas irmás: a galega e a portuguesa. As entradas para poder asistir a este evento teñen un custo de 3 € e pódense mercar na oficina da agrupación, no Auditorio (porta lateral). 

 Para máis información ou reserva de entradas porse en contacto nos teléfonos 986 626 311 ou 609 866 792