A GUARDA

Conclúe “XE-MENTE – As sementes da diversidade” 

A Xornada de Peche do proxecto será o venres 13 de decembro 2019, de 10:30 a 14:00 horas, no Centro de Formación San Xerome

 Infogauda / A Guarda

 Despois dun ano de andaina, e excelentes resultados conseguidos, o proxecto “XE-MENTE – As sementes da diversidade” chega ao seu fin. 

 “E como broche final, para compartir experiencias, impresións e emocións vividas ao longo deste ano con todas as persoas que o fixeron posible, queremos convidar á Xornada de Peche do proxecto, que se realizará o vindeiro venres 13 de decembro 2019, de 10:30 a 14:00 horas, no Centro de Formación San Xerome (Rúa Galicia, 23 – A Guarda, Pontevedra). 

 Será un momento precioso de celebración conxunta”, dixo a Infogauda, José Emilio Álvarez Pena, presidente da Asociación San Xerome Emiliani, de A Guarda.