A GUARDA

FILATELIA

NOVO GALARDÓN PARA Á COLECCIÓN "COLÓN; RUMBO A LAS YNDIAS", DE JOSÉ ÁNGEL GÁNDARA RODRÍGUEZ

Logrouno no ECTP 2019 - Campionato Europeo de Filatelia Temática, celebrado en Verona (Italia)

José Ángel Gándara Rodríguez, destacado filatélico guardés
Foto: Infogauda

Ricardo Rodríguez Vicente / A Guarda

 Logo do recente éxito acadado na EXFILNA 2019, celebrada en Santander (Cantabria), onde como informamos os lectores deste xornal dixital a multipremiada colección "Colón; Rumbo a las Yndias", do guardés José Ángel Gándara Rodríguez, acadou á Medalla de Ouro Grande, na modalidade de Filatelia Temática; novamente temos o pracer de salientar que a devandita colección acadou un novo premio. Neste caso, foi no ECTP 2019 - Campionato europeo di filatelia tematica (ECTP 2019 - Campionato Europeo de Filatelia Temática), que se celebrou en Verona (Italia), do 22 ao 24 deste mes de novembro de 2019.

 No devandito campionato europeo, organizado pola Federación de Sociedades Filatélicas italianas e a Federación Europea de Sociedades Filatélicas,  dentro de Veronafil, feira internacional filatélica, numismática, grabados, libros antigos e pequenas antigüidades, no distrito feiral de Verona; no que competiron máis de medio centenar das mellores coleccións filatélicas de toda Europa; a colección "Colón; Rumbo a las Yndias" logrou a Medalla de Ouro, con 91 puntos.

Diploma acreditativo da Medalla de Ouro acadada en Verona, pola colección "Colón; Rumbo a las Yndias", de José Ángel Gándara Rodríguez

 Composta pola correspondente presentación e plan da colección (O Vello Mundo, Colón e seu proxecto, A Aventura, A Empresa, Un Novo Mundo, En busca de Novas Terras), e un total de 132 follas de sellos, "Colón; Rumbo a las Yndias" participou na competición internacional no apartado de Historia de clase e organizacións, no cal tamén estiveron as coleccións de filatélicos procedentes de Alemania, España, Francia, Gran Bretaña,..., como Enrico Alloni, Peter Riedl, Franco Pastori, Claudio Grande, Richard Winkler, Maurizio Amato, Salvatori Picconi, Jean Luc Joing e Francisco Piniella, que tamén acadaron os correspondentes galardóns.

  O xurado do ECTP 2019 - Campionato europeo di filatelia tematica, presidido por Giancarlo Morolli (Italia), contou cos seguintes membros: Koenraad Bracke (Bélxica), Péter Dunai (Hungría), Paolo Guglielminetti (Italia), Bernard Jimenez (Francia), Damian Läge (Alemania), Jari Majander (Finlancia), José Ramon Moreno (España), Jean-Marc Seydoux (Suiza), e Peter Suhadolc (Eslovenia).

 Tamén participou o aspirante e membro do xurado o italiano Luciano Calenda.

 Con este novo galardón internacional logrado en Verona (Italia) a colección filatélica "Colón; Rumbo a las Yndias", de José Ángel Gándara Rodríguez afiánzase como un referente indiscutible da mellor Filatelia galega, española e internacional de entre séculos.