GOIÁN (TOMIÑO)

CINEMA

“O FÍO INVISIBLE” ABRE A ACTIVIDADE DO CINECLUB POLEIRO  

O xoves, 3 de outubro ás 21:30 horas, no auditorio de Goián

Rita Alonso Pérez / Goián

 O xoves, 3 de outubro ás 21:30 horas, no auditorio de Goián, o Cineclub Poleiro proxecta O FÍO INVISIBLE, unha comedia dramática multipremiada, dirixida por Paul Thomas Anderson.  

Sinopse: No Londres de posguerra, en 1950, o famoso modisto Reynolds Woodcock e a súa irmá visten á realeza e ás mulleres elegantes. Un día o modisto solteiro coñece a unha moza que se convirte en musa e amante. Unha vida metódica transformada polo amor.             

 O xoves, 7 de novembro, proxección da película francesa SAUVAGE, unha historia ao redor da prostitución e a homosexualidade dirixida por Camile Vidal-Naquet.

Sinopse: Leo ten 22 anos e vende o seu corpo por diñeiro. Os homes van e veñen e él busca o afecto onde poda atopalo. O futuro é incerto.             

 O xoves 12 de decembro chega un thriller sueco EL CAIRO CONFIDENCIAL, con guión e dirección de Tarik Saleh. Premiada coa Espiga de Ouro na Seminci de Valladolid e mellor Película Internacional en Sundance (2017).

Sinopse: Un detective corrupto, cun futuro brillante no corpo de policía, antepón o facerse  rico ao seu traballo. Debe investigar a aparición do cadáver dunha muller nun hotel. dunha muller. Vai avanzando na identificación, nas conexións e ao tempo vai descubríndose a si mesmo.  

 O xoves 9 de xaneiro, cine fantástico, LAZZARO FELIZ, da directora italiana Alice Rohwacher, premiada ao Mellor Guión en Cannes e o Premio Especial do Xurado en Sitges (2018)              

Sinopse: Lazzaro, un campesino de excepcional bondade vive nunha aldea lonxe do mundo controlada pola marquesa Alfonsina de Luna. Alí os campesinos son explotados e abusan da súa bondade. Un día coñece ao fillo da marquesa e comenza unha amistade que leva a lazzaro á través do tempo a coñecer o mundo moderno.  

O bono para as catro películas custa 12 euros.     

 O Cineclub Poleiro recibe financiamento da Federación de Cineclubes de Galicia e conta coa colaboración do Concello de Tomiño.