GOIÁN (TOMIÑO)

OS SOCIALISTAS DE TOMIÑO PECHARON Á CAMPAÑA ELECTORAL EN GOIÁN

Cunha lembranza a Mario Rodríguez, Orlindo Oliveira e outros socialistas do Baixo Miño

 Violeta De Santiago e seus compañeiros de candidatura, agradecendo o apoio da veciñanza

Socialistas de Tomiño

 No día de onte como xa tiñamos comunicado, celebramos o mitin de peche de campaña no Auditorio de Goián, un acto que contou con momentos moi emotivos. Recordouse a Mario Rodríguez, ou a  Orlindo Oliveira, que xa non están con nos, como a outros mais, socialistas do Baixo Miño. Tamén entregouselle unha placa a un referente socialista na comarca, un gran sindicalista do metal e que vai pechando a lista do PSdG-PSOE de Tomiño, Benito Pousa. A maiores agradeceuse a presenza dos veciños e veciñas de Goián e doutras parroquias de Tomiño. 

 Un mitin onde falaron Fernán, Leirós, Gael, Dolores,  Marisol, Mirta e Violeta de Santiago, foise desgranando un pouco o programa que presentamos os Socialistas - co lema "Sempre cara adiante" - para os vindeiros catro anos para Tomiño. Un mitin cheo de democracia, honradez, transparencia, igualdade, preparación e moitas, moitas ganas de mellorar a calidade de tódolos veciños de Tomiño, sin recurrir para nada a descalificación, a soberbia e a burla cuando hai que dirixirse ó adversario político, cousa que outras organizacións non poden decilo mesmo. As urnas falarán o domingo e dirán que tipo de mandatarios queren para Tomiño. 

 Nós pedímoslle as veciñas e veciños que exerzan con liberdade ó seu dereito que tanto custou acadalo, e que moitas persoas loitaron por conquerilo. 

 Disfrutade dunha xornada de domingo  que se verá  mellor a través do Efecto Violeta.  Saúde e Forza tomiñesas/es.