OIA

PRESENTACIÓN DA CANDIDATURA DO BNG DE OIA ÁS ELECCIÓNS MUNICIPAIS  

O BNG de Oia presenta este sábado, día 6, a súa candidatura ao goberno municipal de Oia encabezada por Xosé Antón Rodríguez (Xúster), empregado de automoción e presidente da Comunidade de Montes de Oia

Infogauda / Oia

 Este sábado, ás 20:00 horas, na Casa da Cultura de Oia, “o BNG dá inicio á carreira eleitoral coa intención de acadar unha ampla representación no Concello se o pobo de Oia lle outorga a súa confianza nas eleicións do 26 de maio.   

 Unha equipa forte, seria e cohesionada, con experiencia e honestidade  demostrada desde hai moitos anos.   

 Un BNG en ascenso, con consideración social e simpatía política, que está disposto a pór toda a ilusión, capacidade e o seu potencial humano na xestión de goberno”.    

 O acto, que será presentado pola profesora Marisa Guerra Cañizo, contará coas intervencións de Cecilia Pérez Orxe, candidata ao Senado pola provincia de Pontevedra, e por Xosé Antón Rodríguez, candidato á Alcaldía.