A GUARDA

FESTIVAL DE NADAL DE PANDERETEIRAS

· Venres 21 de decembro, ás 20:30 horas, no Centro Cultural

Ricardo Rodríguez Vicente / A Guarda

 O Festival de Nadal de Pandereteiras xa é unha tradición na vila de A Guarda. E como estamos en vésperas das datas máis entrañables do ciclo de inverno, que mellor que festexalas coas voces e á música que picariños e maiores, nos van ofrecer oito grupos de pandereteiras da nosa localidade: Tambaluca, Pandereteiras da Agrupación Cultural Guardesa, Carainas, Caramuxiñas, Paliqueiras, Pandereteiras do Lusco ó Fusco, Coiro Vello e Arghaceiras do Muño.

 Dese xeito poderemos disfrutar ollando e escoitando como as pandereteiras cantan panxoliñas, que é o que corresponde nestas datas.   

 O Festival de Nadal de Pandereteiras - enmarcado no amplo programa de eventos a desenvolver nestas datas do Nadal - será o vindeiro venres día 21 de decembro, ás 20:30 horas, no salón de actos do Centro Cultural.