MADRID

PREVISIÓN PARA O MARTES 3 DE XULLO DE 2018 NA DELEGACIÓN DA XUNTA EN MADRID/CASA DE GALICIA 

Martes, 3 

9:30 horas 

 Inauguración de "PERCEPCIÓNS", mostra de pintura do artista lucense Manuel  Carballeira, na que ofrece a evolución das súas creacións, o perfeccionamento da súa técnica e a gran calidade das súas obras que son homenaxe a Galicia, as súas xentes e paisaxes.  

A  pintura de  Carballeira é fundamentalmente  figurativa, realista e en ocasións impresionista. Pinta paisaxes do natural, mariñas, bodegóns, retratos... realizando algunha incursión no abstracto. Como creativo, desde os 16 anos, realizou murais, con pintura ou aerógrafo; restauración de imaxinería, decoración de retablos, creación de logotipos para marcas comerciais e publicidade, cartelería.... empregando case sempre  óleo, aínda que tamén realiza traballos en acuarela, pastel,  plumiña, acrílico, etc.  

  Esta exposición poderá visitarse na Salas A e  B da Delegación da Xunta en Madrid ata o 29 de xullo,  en horario de 10 a 14 e de 16 a 20 horas os días laborables. Domingos e festivos, de 10 a 14 horas.