A Plataforma SOS Sanidade Pública da Área de Vigo apoia a MANIFESTACIÓN do 12 de abril, ás 20 hs. desde a vía Norte convocada pola Xunta de Persoal da área sanitaria, e anima ao conxunto da cidadanía a saír á rúa a defender unhas condicións dignas na nosa sanidade pública, tanto para as e os pacientes como para as e os profesionais.
Coa aprobación da Lei de Saúde consolidase un modelo sanitario centrado no tratamento da enfermidade, esquecéndose da promoción da saúde e da prevención da enfermidade, e derivando a cada paso máis recursos á sanidade privada. A recuperación do Hospital de Alcira para a Sanidade Pública demostra que outro modelo sanitario é posible, so é cuestión de ter vontade de facelo posible.
Animamos ao conxunto da cidadanía da nosa área sanitaria a saír á rúa para defender a Sanidade Pública que queremos:
• POR UNS SERVIZOS SANITARIOS 100% PÚBLICOS E C@S PROFESIONAIS NECESARI@S NOS HOSPITAIS E EN ATENCIÓN PRIMARIA.
• NON A MASIFICACIÓN NA ATENCIÓN PRIMARIA.
• NON ÁS LISTAS DE ESPERA NAS OPERACIÓNS, PROBAS E CONSULTAS.
• NON AOS COLAPSOS NAS URXENCIAS.
• POLA RECUPERACIÓN DO HOSPITAL ÁLVARO CUNQUEIRO PARA A SANIDADE PÚBLICA.
• MEIXOEIRO QUERÉMOLO ENTEIRO, SEN CAMAS PECHADAS E CON SERVIZO DE UCI.
• POR UN APARCADOIRO PÚBLICO E GRATUÍTO NO H. A. CUNQUEIRO.
Vigo, 10 de abril de 2018
(R.)
Ningún comentario:
Publicar un comentario