A GUARDA

«Ataraxia»: Unha mostra sobre as mulleres e a beleza paisaxística

A exposición fotográfica, de Marina Alonso San Miguel, permanecerá no Centro Cultural da Guarda ata o 28 de marzo

Sara Alonso / A Guarda   

 O Centro Cultural acollerá exposición fotográfica «Ataraxia», da deseñadora gráfica Marina Alonso San Miguel, do 5 ao 28 de marzo. A mostra componse de 16 fotografías nas que se superpoñen elementos naturais e paisaxísticos con siluetas femininas en tons brancos e negros.   

 Segundo explica a autora, este traballo nace da súa afección polos viaxes e a fotografía, e componse de imaxes tomadas durante os seus percorridos por distintos lugares do mundo. O seu título, «Ataraxia», fai referencia ao estado anímico carente de temores ou inquedanzas que se pretende transmitir coas obras.  

 A exposición enmárcase dentro das actividades programadas pola Concellería de Cultura con motivo do Día Internacional das Mulleres, que se conmemora cada 8 de marzo. A mostra poderá visitarse en horario de mañá (de 10:00 a 13:00 h.) e de tarde (15:00 a 20:00 h.) de luns a venres, e os sábados en horario de mañá.