A GUARDA

A Biblioteca Municipal premia aos seus tres mellores lectores polo Día dos Usuarios  

A concelleira de Cultura e a biliotecaria municipal cos tres lectores premiados

Foto: C. A. G.

Infogauda / A Guarda

 Co gaio do Día do Usurio e usuaria das Bibliotecas, que se conmemora cada 11 de xaneiro, a Biblioteca Pública Municipal da Guarda agasallou aos tres mellores lectores e lectoras do ano 2017 nas categorías xuvenil, infantil e adulto.   

 Onte, 18 de xaneiro, os premiados recibiron da man da concelleira de Cultura e Educación, Elena Baz Rodríguez, un diploma que da conta da súa condición de usuarios e lectores asiduos e un lote de libros adaptados ao seu perfil lector.   

 Os lectores premiados foron os seguintes José Manuel Álvarez Álvarez, co recoñecemento como mellor lector adulto; Xoán Dijean Vidal Rodríguez, co premio ao mellor lector xuvenil; e Estela Martínez da Silva, mellor lectora en categoría infantil da Biblioteca Municipal.