A GUARDA

CCOO homenaxea as vítimas do campo de concentración de Camposancos  

Homenaxe civil no cemiterio de Sestás e charla-coloquio no Centro Cultural da Guarda 

Un ano máis, CCOO homenaxeará os homes e mulleres que loitaron polas liberdades

Infogauda / A Guarda

 Coma cada ano, a Federación de Pensionistas e Xubilados de Comisións Obreiras, homenaxeará as vítimas do campo de concentración de Camposancos, asasinadas e soterradas no cemiterio de Sestás (A Guarda) durante a Guerra Civil. Nesta ocasión será este xoves, 26 de outubro.  

 O sindicato prepara dous actos en lembranza destas republicanas e republicanos que loitaron polas liberdades:  

· 17:30 h.: homenaxe cívica no cemiterio de Sestás.

· 19:00 h.: charla-coloquio no Centro Cultural da Guarda, onde o escritor e historiador vigués Bernardo Vázquez Acuña disertará sobre «Os consellos de guerra: a xustiza do revés».