ACTO INFORMATIVO DO BNG SOBRE MOBILIDADE NO ROSAL
O vindeiro martes 20 de xuño ás 20:30 horas nos baixos do Concello do Rosal
Infogauda / O Rosal
O vindeiro martes 20 de xuño ás 20:30 horas nos baixos do Concello do Rosal, o BNG vai realizar un acto informativo baixo o título “Un proxecto para O Calvario, por un Rosal con futuro”, no que a formación nacionalista presentará a súa visión da praza do Calvario dentro dun proxecto de mobilidade sustentábel no que teñen prioridade as persoas.
“Dende o BNG queremos un pobo para vivir, para pasear, para facer rúa cun tecido comercial implicado na vila. Falamos dun Rosal dinámico que sexa atractivo tanto para o turismo coma para aos propios veciños”, afirmou Ánxela Fernández, portavoz municipal do BNG no Rosal.
No acto intervirán Uxío Benítez, deputado provincial de Mobilidade e Tenente-Alcalde de Tomiño; e Ánxela Fernández, portavoz municipal do BNG no Rosal.
Ningún comentario:
Publicar un comentario