TUI

O Congreso do PP de Tui será o 10 de xuño  

• Ramón Rosada Silva será o presidente da Comisión Organizadora do Congreso  

• Todos os afiliados do PP de Tui que aspiren á presidencia do partido terán ata o 22 de maio para presentar por escrito a súa intención de presentarse. 

• As candidaturas deberán ir acompañadas por un mínimo de 70 avais e o prazo para a súa presentación remata o 8 de xuño    

Infogauda / Pontevedra

 O Comité Executivo do Partido Popular da provincia de Pontevedra deu luz verde á celebración, o próximo 10 de xuño do VIII Congreso Local do Partido Popular de Tui.    

 A dirección provincial aprobou ademais o Regulamento que rexerá todo o relativo á organización e funcionamento do Congreso así como a Comisión Organizadora, que estará presidida por Ramón Rosada Silva e acompañarano Olga Dorinda Montes e José Ángel López Taboada. Esta Comisión será a encargada de coordinar, impulsar e dirixir todos os aspectos organizativos do Congreso ata que comece a celebración do mesmo, que asumirá esas competencias a Mesa do Congreso.  

 Todos os afiliados do PP de Tui que aspiren á presidencia do partido terán que presentar ante a Comisión Organizadora do Congreso un escrito no que declaren a súa intención de ser candidato antes do 22 de maio ás 17.00 horas e poder ter así acceso ademais á documentación relativa ao Congreso.  

 A candidatura deberá ir acompañada por un mínimo de 70 avais, no modelo aprobado ao efecto pola Comisión. O prazo para a presentación de avais remata o 8 de xuño ás 12.00 horas.     

 Tanto para ser candidato como para poder avalar ou votar no Congreso será necesario, tal e como recollen os estatutos do partido, figurar inscrito no censo de afiliados.