A GUARDA

CC.OO. HOMENAXEOU NA GUARDA ÁS VÍCTIMAS DO FRANQUISMO 

Un ano máis, Comisións Obreiras homenaxeou cun acto civil no cemiterio de Sestás (A Guarda) as vítimas do campo de concentración de Camposancos 

Un momento da homenaxe en Sestás

Fotos: Federación de Pensionistas e Xubilados de CC.OO.

Informa: Federación de Pensionistas e Xubilados de CC.OO.

   CC.OO. considera «de xustiza» lembrar e coidar «a memoria das mulleres e homes que loitaron a prol da defensa dos seus ideais e da liberdade». Esa é a premisa que move o sindicato no seu empeño para que eses valores sexan «recoñecidos pola cidadanía» e para que «a historia non se esqueza».  

 Lembran, ademais, que sen a loita destes homes e mulleres «non sería posible gozar do estado democrático en que vivimos, coas melloras sociais e laborais de que dispoñemos» e polas que «cómpre seguir loitando».