PATRIMONIO

Arquitetura de insinuaçom: afinidades da Torre Velha de Caparica com Sta. Cruz da Guarda

Forte de S. Sebastiám de Caparica, ou Torre Velha

José Buiza Badás

 Induvitavelmente, nom se pode fazer umha abordagem  da arquitetura militar bastionada sem termos umha mínima noçom de geometria ou de matemáticas. Umha rama da construçom como esta pede “ratios” baseados na implantaçom, na mensagem geométrica, por acima de critérios mesmo  topográficos. Temos o seguinte exemplo: 

 O Forte de S. Sebastiám de Caparica, ou Torre Velha, na área lisboeta,  afigura cortinas de 35 m., 29 m., 30 m. e 48 m., dos lados Sul, Leste, Oeste e Norte, respectivamente, bem como um cruzamento de diagonais de 92 m. x 92 m., formalizando um plano trapezoide. Da mesma maneira, na planta teórica inicial, ela insinuada por faltar um baluarte, conforma-se igualmente umha planta trapezoide que fica definida polos ângulos flanqueados, três expressos, reais, e um outro inferido.

  As angulaçons destes bastions som as que se seguem: baluarte Noreste, com 62º graus; baluarte Suleste, com uns oscilantes 72º - 79º graus; baluarte Suroeste, com 78º - 79º graus e o bastióm insinuado, que andaría nos 62º graus. Estas oscilaçons respondem à adaptaçom geometrizada feita sobre a base dum plano trapézio virtual. Som somas que se querem condizentes, ainda que o plano real seja ligeiramente diferente. O mesmo se passaria em Sta. Cruz da Guarda se quiséssemos geometrizar a sério a fortaleza galega, dadas as variaçons conferíveis num plano alternativo que também poriam a vista as diferenças evidentíssimas entre aquele dito “rectángulo irregular” (quem inventou isso?) e as plantas trapezoides e trapezoidais.

  Sendo assim, a Torre Velha tem dois teóricos lados iguais, diferentes do caso trapezoidal guardense, mas parecida disposiçom em cortinas alongadas. O seu polígono externo exprime umhas mediçons dos lados iguais de 64 m. entre o baluarte Suroeste e o baluarte Suleste, bem como 80 m. de comprimento entre esse baluarte teórico, geométrico e insinuado e aquele outro de disposiçom Noreste. As semelhanças com Sta. Cruz, dadas polas cortinas longas e os baluartes, som matizadas talvez pelo feito de a Torre Velha poder dispor de eixo, de simetrizaçom. 

 Sem embargo, Sta. Cruz pom entraves à axialidade por causa dos seus quatro baluartes, as suas díspares bissetrizes, as suas despistadas congruências e o tracejado de flancos e faces. Mais umha prova do seu formato trapezoidal. 

 As comparativas entre fortificaçons servem para desenvolver a geometría aplicada e como excelente complemento prático para a comunidade escolar, abase de crescentes níveis de poder interpretativo.

R.P.I.