A GUARDA

FESTA DO PROGRAMA CORREOS REPARTE SONRISAS NA GUARDA

Data: mércores, 18 de maio de 2016

Lugar: Colexio Educación Especial San Xerome

Localidade: A Guarda – Rúa Galicia, 23

Hora: 15:00 horas

Roser Vila / A Guarda

 O vindeiro mércores, día 18 de maio, celebrarase na Guarda a festa número doce, das 38 previstas na edición de 2016, do programa CORREOS REPARTE SONRISAS desenvolvido por Payasos sin Fronteras e Correos. O acto terá lugar ás 15:00 horas no Ximnasio da Asociación San Xerome.

 Os beneficiarios da asociación poderán gozar dun espectáculo de circo a cargo dos artistas Mirroskita e Juanito da Cía. Asaco Circo. Ao finalizar o acto repartiranse obsequios entre os asistentes.

 Este programa realízase grazas ao patrocinio de Correos. En 2016 alcanza a súa oitava edición. Ten como finalidade contribuír á mellora da calidade de vida de diferentes colectivos en situación de especial vulnerabilidade, como son a infancia hospitalizada, persoas con discapacidade, nenos que viven coas súas nais en penitenciarías e menores en centros de acollida e de inmigración, entre outros. O obxectivo é proporcionar apoio emocional a través dos beneficios da risa e do bo humor.