A GUARDA

CONVERXENCIA GALEGA PLANTEXA VARIAS PREGUNTAS SOBOR DOS NOVOS ESTATUTOS PARA O PADROADO MUNICIPAL "MONTE SANTA TREGA"

Celso R. Fariñas (Concelleiro de Converxencia Galega): "(...) Seguramente, noutros membros da Xunta Rectora do Padroado xurdirán outras dúbidas que deberan ser resoltas e ter unha claridade meridiana a nivel xurídico, especialmente nos temas fiscais, laborais e societarios (...)". 

Celso R. Fariñas, concelleiro de Converxencia Galega, na Corporación Municipal de A Guarda

Infogauda / A Guarda

  Celso R. Fariñas, concelleiro de Converxencia Galega, na Corporación Municipal de A Guarda, ven de presentar no rexistro de entradas co Concello, unha interpelación, na que dí o seguinte:

SITUACIÓN DE LEGALIDADE DO PADROADO MUNICIPAL MONTE SANTA TREGA

 A raíz da presentación de novos Estatutos para o Padroado Municipal “Monte Santa Trega”, de xeito oral, tanto na xunta do mesmo como na aprobación inicial no Concello, despois de ler varios dos documentos lexistativos que acompañaban a dita proposta, sobre o funcionamento deste tipo de entes ¿públicos?, fixemos de xeito oral a pregunta o Secretario Municipal, sin que a día de hoxe obtivéramos resposta, situación, que é preciso clarexar denantes de seguir cas enmendas e aportes para os novos Estatutos, xa que, debemos ter moi claro: 

a.- ¿E normal a figura de ente público, cando falamos dunha entidade na que os bens (terreos) son propiedades das dúas Comunidades de Montes en Mán Común dos Veciños/as de Camposancos e A Guarda, que son entes privados ce interese público?

b.- ¿Ten o mesmo tratamento xurídico que un padroado consorcio, sociedade, ou entidade municipal no que participan empresas privadas?

c.- ¿Teñen o mesmo tratamento fiscal?

d.- ¿Poden contratar indiscriminadamente cada unha por súa conta e en conxunto?

 Seguramente, noutros membros da Xunta Rectora do Padroado xurdirán outras dúbidas que deberan ser resoltas e ter unha claridade meridiana a nivel xurídico, especialmente nos temas fiscais, laborais e societarios, denantes de tomar algunha medida que poida ser perxudicial para o mesmo ou para os componentes do Padroado Municipal Monte de Santa Trega.

                  A Guarda, a 03 de Xaneiro  do 2.016

Celso R. Fariñas 

Concelleiro de Converxencia Galega

Sr. Alcalde-Presidente

Sr. Secretario Acctal.

Sra. Interventora

Sr. Concelleiro de Patrimonio 

Concello de A Guarda