A GUARDA

O CONCELLO HOMENAXEA A JUDOKA GUARDESA, TECLA CADILLA ACEVEDO, POR ACADAR UN NOVO ÉXITO EUROPEO 

Proclamouse Subcampioa de Europa de Judo na categoría junior

Tecla Cadilla flanqueada polo Alcalde e polo Concelleiro de Deportes, do Concello de A Guarda

Fotos: C.A.G.

Infogauda / A Guarda

 O Concello da Guarda homenaxeou a judoka guardesa, Tecla Cadilla, polo seu recente éxito deportivo. Como xa informou oportunamente este xornal dixital, a xove deportista proclamouse Subcampioa de Europa de judo na categoría junior no campionato que se disputou na cidade de Oberwart, en Austria. Este logro ven a confirmar súa excelente traxectoria deportiva.

 Na recepción, que tivo lugar na Casa do Concello, estiveron presentes a propia Tecla Cadilla Acevedo e o alcalde da Guarda, Antonio Lomba Baz, ademais dos Concelleiros Manuel Javier Crespo González, Elena Baz Rodríguez, Montserrat Magallanes Álvarez e Miguel Ángel Español Otero, a súa adestradora, Mónica Pacheco Lomba e José Manuel Fandiño García, adestrador efundador do clube Do-Majó.

Na imaxe Tecla Cadilla xunto con algúns membros do Grupo Municipal de Goberno do Concello de A Guarda, a adestradora Mónica Pacheo e o director do Ximnasio Do-Majó, José Manuel Fandiño.

 Tras unha distendida charla entre os presentes no que tanto o alcalde guardés e os Concelleiros felicitaron a Tecla Cadilla polo seu logro máis recente e por todos os anteriores, Antonio Lomba fíxolle entrega dun agasallo e dun ramo de flores.

 Neste encontro tamén falouse do regulamento de bolsas para as axudas a deportistas profesionais de A Guarda, que irá o próximo pleno.

 O Concello de A Guarda espera que a traxectoria desta deportista continúe no seu máximo nivel e que pronto poidamos celebrar máis títulos.