A GUARDA

CONVERXENCIA GALEGA PROPÓN QUE NON SE INCREMENTE O IMPOSTO SOBRE BENS INMOBLES

Celso R. Fariñas (Concelleiro de Converxencia Galega): "(...) solicitamos que non se traslade aos contribuintes dito incremento ou sexa compensado cunha baixada do tipo impositivo, xa que temos claro que ademais, vai ter repercusión no Imposto de Plusvalías o ser aplicado na venta de inmobles".

Celso R. Fariñas   

Concelleiro de Converxencia Galega

Infogauda / A Guarda

 Celso R. Fariñas, concelleiro de Converxencia Galega na Corporación Municipal do Concello de A Guarda, ven de presentar no rexistro de entradas á seguinte proposta:

NON O INCREMENTO DO 11% NO I.B.I.

                 

 Nestes días, está sendo publicado nos medios de comunicación, que o Ministerio de Hacienda facendo público o listado dos concellos aos que se lles revisará o Catastro durante o ano 2016 a petición propia, entre os cales aparece o Concello de A Guarda.

 Nestes momentos en que, por unha banda, o Equipo de Goberno do PSOE, sae nos medios de comunicación anunciado a súa maneira de xestionar e o gran superávit, namentras dende Hacienda nos sinala como un concello deficitario, e pola outra banda, a proposta da oposición, se conxelaron os prezos e traxas públicas, e logo sen contar con ninguén súbense Imposto de Bens Inmobles, nunha porcentaxe, que vai repercutir de maneira moi forte na economía familiar de tódolos/as veciños/as.

 Sabemos que existen diferencias sustanciais entre os valores de mercado e os que serviron de base para as referencias catastrais vixentes, facendo a solicitude en vísperas electorais, non sabemos se para pode cubri-los gastos acumulados ou para deixar un “premio” se había cambio de goberno municipal.

 Dende Converxencia Galega solicitamos que NON SE TRASLADE aos contribuintes dito incremento ou sexa compensado cunha baixada do tipo impositivo, xa que temos claro que ademais, vai ter repercusión no Imposto de Plusvalías o ser aplicado na venta de inmobles.

 A Guarda, a 02 de outubro  do 2.015

Celso R. Fariñas   

Concelleiro de Converxencia Galega

Sr. Alcalde-Presidente 

Sra. Concelleira de Facenda 

DEPARTAMENTO ECONOMICO 

CONCELLO DE A GUARDA