PONTEVEDRA

Tal e como manifestou publicamente o 26 de maio de 2015

Louzán presenta a súa dimisión como deputado provincial

Rafael Louzán Abal

Foto: Arquivo 

Infogauda / Pontevedra

 Na mañá do martes día 1 de setembro, o presidente provincial do PP de Pontevedra,  Rafael Louzán, presentou a súa dimisión como deputado provincial do Partido Popular, tal e como el mesmo manifestou públicamente o 26 de maio de 2015, dous meses despois da celebración das eleccións municipais e unha vez analizados os resultados electorais. 

 Segundo informou á Dirección Provincial dos Populares de pontevedra, "aínda que a intención primeira do presidente do partido era non recoller xa a súa acta de deputado, mantívose no grupo a petición dos seus compañeiros implicándose directamente na posta en funcionamento do Grupo Popular e na estratexia de traballo.

 Agora, transcorridas estas primeiras semanas desde a constitución provincial e co comezo do novo curso político, a decisión de Louzán é de presentar a súa renuncia".

 "Con todo - segundo fontes do PP -, o líder dos populares seguirá realizando labores de asesoramento e coordinación como  presidente provincial do partido e dada a súa importante traxectoria e experiencia á fronte do ente provincial.

 Rafael Louzán aproveita a ocasión para agradecer unha vez máis a colaboración e a extraordinaria profesionalidade de todos os traballadores da Deputación de Pontevedra, cos que espera seguir contando, porque considera que o seu papel é determinante para o bo funcionamento da institución".