OIA

CONVERXENCIA GALEGA DEMANDA MÁIS SEGURIDADE NAS OBRAS DA PONTE DE BONAVAL

Imaxes das obras na ponte de Bonaval

Fotos: Grupo Municipal de Converxencia Galega no Concello de Oia

Infogauda / Oia

 Os concelleiros Luis Giraldez Figueiró, José Manuel Romero Martínez e Ángel Portela Rodríguez, do Grupo Municipal de Converxencia Galega no Concello de Oia, veñen de presentar no rexistro de entradas do concello oiense, á seguinte comunicación:

SINALIZACIÓN DAS OBRAS NA PONTE DE BONAVAL                   

        

 Luis Giraldez Figueiró, José Manuel Romero Martínez e Ángel Portela Rodríguez, concelleiros do Grupo Municipal de Converxencia Galega en Oia, desplazáronse a Burgueira para constatar que despois de sair nos medios de comunicación a problemática das actuacións que se estaban facendo na Ponte de Bonaval, e cando está rematando a tempada de verán, a día de hoxe non se tomou ningunha medida tendente a paliar e resolver este problema que ca chegada das choivas, pode provocar problemas máis graves neste lugar.                                                                      

 Pola outra banda, e tras manter conversas con diversos veciños/as e usuarios/as desta estrada, queremos solicitar de quen corresponde, se tomen as medidas necesarias para que se proceda a ampliar a sinalización do corte da estrada incluíndo tamén elementos lumínicos para evitar máis dún susto para as persoas que transitan de noite e non son coñecedores do corte e redución de parte do vial circulatorio existente.

 Si é certo que máis vale prevenir que lamentar, dende Converxencia Galega vimos a plantexar esta reclamación/solicitude que nos trasladaron no lugar indicado, para que se dé seguridade neste punto, e reiterando que se tomen medidas urxentes para solucionar de xeito definitivo o problema existente ca Ponte de Bonaval.

Oia, a 1º de setembro do 2.015

Luis Giraldez Figueiró, José Manuel Romero Martínez e Ángel Portela Rodríguez, Grupo Municipal de Converxencia Galega no Concello de Oia.

Sra. Alcaldesa

Concello de Oia