CAMINHA

CULTURA

PASSAGEM – PASAXE

O Ensino Jesuíta e a revista Brotéria entre Portugal e Galiza

Memórias do Colégio de La Guardia, 1916 – 1932

O Edifício dos Paços do Concelho de Caminha, acolle unha interesante exposición que pode visitarse ata o vindeiro día 6 de setembro

O Rector do Colexio de Xesuítas da Pasaxe (Camposancos), cos alumnos do curso 1916-1917 

Ricardo Rodríguez Vicente / Caminha

 O Edifício dos Paços do Concelho de Caminha, acolle ata o vindeiro día 6 de setembro, unha importante exposición que leva por título: PASSAGEM – PASAXE. O Ensino Jesuíta e a revista Brotéria entre portugal e Galiza. Memórias do Colégio de La Guardia, 1916 – 1932.

 Na mostra, perfectamente disposta por orde cronolóxica, amósaselle o visitante unha parte moi importante da Historia dos Jesuítas, e máis en concreto do Colexio que á Orde Xesuítica ten no barrio da Pasaxe, en Camposancos (A Guarda), e que sen ningún xénero de dúbidas, tamén forma parte da Memoria Histórica de A Guarda.

 Na exposición, que pode visitarse das 15:00 às 18:00 horas (horario de Portugal), o visitante ten a súa disposición un folleto en formato díptico, con un esclarecedor texto da autoría de Rodrigo Pita de Meireles, que fai un repaso os avatares que influiron en diversos ámetos nacionais e internacionais, e por conseguinte, como non podía ser doutro xeito, tamén na actividade docente dos xesuítas.

 Hai tamén, un documentario no que se reflicten imaxes e testemuñas que son unha verdadeira xoia audiovisual.

Anverso e reverso do estandarte do Instituto Nun´ Alvares, bordado por alumnos do Colexio dos Xesuítas, da Pasaxe (Camposancos - Fotos: Ricardo Rodríguez Vicente

 Unha mostra fotográfica, na que podemos ollar os rectores do colexio, así como grupos de alumnos, ás própias instalacions docentes (aulas, laboratorio, teatro, patios,...), ás actividades que desenvolvían ao aire libre (deportes, excursións polo río, na praia,...), así como unha mostra bibliográfica, postais, correspondencia,..., e mesmo un estandarte do Instituto Nun Alvres – bordado por alumnos do Colexio da Pasaxe - son, entre outras, ás xoias da exposición.

Grupo de Antigos Alumnos do Colexio de A Guarda, reunidos en Caldas da Saúde, en 1962

 Polo tanto, suxerimos que tódalas persoas que teñan verdadeiro interese pola Cultura, visiten esa exposición, que xa nos gustaría poder te-la na Vila de A Guarda, porque realmente é unha oportunidade de coñecer, siquera de xeito condensado un apartado nada desprezable da nosa historia como pobo.

GALERÍA DE IMAXES